Լրատվամիջոցների նկատմամբ ոստիկանության գործողությունները վրդովմունք են առաջացնում: Դեկտեմբերի 12-ին մամուլի ասուլիսի ժամանակ այս մասին ասաց «Ընդդեմ իրավական կամայականության» կազմակերպության ղեկավար Լարիսա Ալավերդյանը:
Իրավապաշտպանը նշեց, որ վերջին շրջանում մի քանի լրատվամիջոցներ ոստիկանության անհասկանալի եւ անհիմն հետաքրքրության օբյեկտն էին դարձել:
«Ավելի վատն են ոստիկանության բացատրությունները: Դրանք վկայում են այն մասին, որ կառույցի ղեկավարությունը խոսքի ազատության, կարծիքի եւ պատասխանատավության մասին տարրական պատկերացումներ չունի», - նկատեց Ալավերդյանը: Իրավապաշտպանը շեշտեց, որ Հայաստանի կարեւորագույն ձեռքբերումներից է խոսքի ազատությունը եւ այս հարցում հետընթացն անթույլատրելի է:
Հիշեցնենք, որ ոստիկանությն անառողջ հետաքրքրության օբյեկտներց էր դարձել NEWS.am գործակալությունը:
