Իրանի ԱԳ նախարար Մուհամմեդ Ջավադ Զարիֆն արձագանքել է ՄԱԿ ԱԽ-ում ԱՄՆ պետքարտուղար Մայք Պոմպեոյի ելույթին՝ այն անվանելով «պետքարտուղարի վերջին ծաղրը»՝ տեղեկացնում է Mehr-ը։
Նա նշել է, որ Պոմպեոն, ով «գլուխ էր գովում ՄԱԿ ԱԽ 2231 բանաձեւի խախտմամբ», ինչպես նաեւ «նկարել էր» Իսլամական Հանրապետության իրավունքների խախտման նոր պլանը, հաստատել է, որ «ԱՄՆ-ը եւ նրա դաշնակիցները հիմնվում են հրթիռների մասին 1929թ․ գոյություն չունեցող բանաձեւի վրա»,- Twitter-ում գրել է Զարիֆը։
Նախօրեին Պոմպեոն ՄԱԿ-ին կոչ էր արել վերականգնել Իրանի դեմ պատժամիջոցները՝ կապված բալիստիկ հրթիռների նրա ծրագրի հետ, եւ երկարաձգել Իրանին զենք մատակարարելու էմբարգոն, որի ժամկետը լրանում է 2020թ․։ Նա նաեւ հայտարարել էր, որ ԱՄՆ-ը կոալիցիա կստեղծի՝ բալիստիկ հրթիռների ստեղծման հարցում Իրանին դիմակայելու համար։