Քալիֆորնիայի օրենսդիրները ցանկանում են տեքստային հաղորդագրության հարկ սահմանել, որպեսզի ավելացնեն նահանգի քիչ ապահովված բնակիչների կապի պահպանման համար նախատեսված ծրագրին հատկացվող միջոցները, հայտնում  է Americaru-ն։

Կոմունալ ծառայությունների քալիֆորնիական հանձնաժողովի առաջարկած նոր լրացումը առաջարկում է ամսական վճար, որը կներառվի բջջային կապի վճարի մեջ։ Օպերատորների մեծ մասը առաջարկում են ֆիքսված վճար տեքստային հաղորդագրությունների համար եւ արդեն գանձում են նմանատիպ վճար այլ ծառայությունների համար, սակայն այժմ այն կարող է նոր հարկի պատճառով ավելանալ։ Այս հարցով քվերակությունը հանձնաժողովում տեղի կունենա 2019 թվականի հունվաի 10-ին։