Հարավաֆրիկյան Հանրապետությունում երկու տղամարդ սպանության եւ մարդակերության համար դատապարտվել են ցմահ ազատազրկման։
CNN-ը հայտնում է, որ երբ անցյալ տարի հարավաֆրիկյան ժողովրդական բժիշկ Նինո Մբատան ներխուժել է ոստիկանական բաժանմունք եւ սպաներին ասել, թե հոգնել է «մարդու միս ուտելուց», նրան չեն հավատացել։ Սակայն Մբատան իր հետ բերել էր պայուսակ, որի մեջ ոտք եւ ձեռք կար։ Ավելի ուշ նրա տանը մարդու մարմնի մասեր էին հայտնաբերվել։
Հասարակական մեծ հնչեղություն ստացած այս գործը անվանեցին «մարդակերի գործ»։ Նախօրեին դատարանը վճիռ է կայացրել Մբատայի եւ նրա հանցակից Լունգիսանի Մագուբանեի հանդեպ։ Նրանք դատապարտվել են ցմահ ազատազրկման՝ Զանելե Խլատծվայոյին սպանելու եւ ուտելու համար։
Ձերբակալությունից հետո Մբատան հերքել է, որ մարդու միս է կերել։