Թուրքիան բազմաթիվ անգամ Իրաքի իշխանություններին կոչ է արել ապահովել սահմանների անվտանգությունն ու իր տարածքից հեռացնել քուրդ զինյալների ճամբարները։ Այս մասին հայտարարել է Թուրքիայի ԱԳՆ խոսնակ Համի Աքսոյը։
Թուրքական Sondakika կայքի փոխանցմամբ՝ Թուրքիայի ԱԳն խոսնակը նշել է, թե դեկտեմբերի 13–ին թուրքական օդուժը ծանր հարվածներ է հասցրել Իրաքի Սինջարի շրջանում տեղակայված «Քուրդիստանի բանվորական» կուսակցության ճամբարներին։ Նա շեշտել է, թե Թուրքիան իր անվտանգության պահովման համար է Իրաքում ռազմական գործողություններ իրականացնում քուրդ զինյալների դեմ։
«Թուրքիան բազմաթիվ անգամ Իրաքի իշխանություններին կոչ է արել ապահովել սահմանների անվտանգությունն ու իր տարածքից հեռացնել քուրդ զինյալների ճամբարները, սակայն Իրաքի իշխանությունները չեն անում դա»,–ասել է Համի Աքսոյը։