36-ամյա ամերիկուհին զգացել է, որ շուտով կծննդաբերի, եւ որոշել է մեկնել բուժհաստատություն մետրոյով:
Ինչպես հաղորդում է USA.one-ը, նորածինը ծնվել է ավելի վաղ, քան կինը կհասներ այնտեղ: Կինը տղային ծննդաբերել է գնացքում, սակայն ծնվելուց քիչ անց տղայի մոտ սրտի կաթված է տեղի ունեցել:
Ոստիկանության աշխատակիցները եւ բժիշկները օպերատիվ կերպով հասել են կնոջ եւ նրա նորածին որդու մոտ անհրաժեշտ օգնություն ցուցաբերելու համար: Նրանց անհապաղ տարել են մոտակա հիվանդանոց, բայց, ցավոք, բժիշկներին չի հաջողվել օգնել նորածնին. որոշ ժամանակ անց նրանք հայտնել են երեխայի մահվան լուրը:
