Սինգապուրի գերագույն դատարանը երկուշաբթի վճիռ է կայացրել, համաձայն որի գեյ բժշկին թույլատրել են որդեգրել սեփական երեխային, փոխանցում է Reuters–ը։
Այս որոշումը բացառիկ է պահպանողականությամբ հայտնի քաղաք–պետության համար, գրում է գործակալությունը։
Որոշումը կայացվել է մեկ տարի անց այն բանից հետո, երբ դատարանը մերժել է տղամարդու հայցը։
Հայտնի է, որ երեխան ծնվել է ԱՄՆ–ում փոխնակ մորից արհեստական բեղմնավորման միջոցով. Սինգապուրում այդ գործընթացը հասանելի է միայն ամուսնացած կանանց։
Դատարանում այս որոշումը բացատրել են երեխայի բարեկեցության մասին հոգատարությամբ։
Նշվում է, որ այժմ հանրությունը Սինգապուրում մտադիր է վերանայել հին օրենքը, համաձայն որի՝ տղամարդկանց միջեւ սեռական հարաբերությունները դատապարտվում են մինչեւ 2 տարվա ազատազրկմամբ։
