Մոսկվան ու Երեւանն ավարտում են մի փաստաթղթի նախապատրաստումը, որի համաձայն Հայաստանում բիոլաբորատորիաների տարածքում օտարերկրյա զինվորականներ չեն լինի, փոխանցում է «ՌԻԱ Նովոստին»՝ վկայակոչելով «Կոմսոմոլսկայա պրավդա» ռադիոկայանի եթերում ՌԴ արտաքին գործերի նախարար Սերգեյ Լավրովի կողմից արված հայտարարությունը։
Նա նշել է, որ ներկայումս ՌԴ–ն ու ՀՀ–ն ավարտում են փաստաթղթի պատրաստման գործընթացը, որով երաշխավորվում է Հայաստանում օտարերկրյա զինվորականների բացակայությունը բիոլաբորատորիաներում:
«Հայաստանի հետ մենք ավարտում ենք փաստաթղթի պատրաստման գործընթացը, որով կբացառվի այնտեղ օտարերկրյա զինվորականների ներկայությունը...եւ որ ամեն ինչ, որ այնտեղ արվում է, կլինի թափանցիկ սպառանալիքների ու ռիսկների բացակայության երաշխիքների տեսանկյունից»,–նշել է Լավրովը։