Թուրքիայի ԱԳ նախարար Մեւլութ Չավուշօղլուն պնդում է, որ Հետաքննությունների դաշնային բյուրոն լայնամասշտաբ գործողություն է իրականացնում իսլամական քարոզիչ Ֆեթուլլահ Գյուլենի դեմ։
Ելույթ ունենալով խորհրդարանում՝ նա հայտարարել է, որ ՀԴԲ-ն լուրջ հետաքննություններ է իրականացնում 15 նահանգներում, իսկ որոշ նահանգներում, որոնց թվում Նյու Ջերսին է, ձերբակալություններ են սկսվել։
Ավելի վաղ Չավուշօղլուն հայտարարել էր, թե Արգենտինայում Թրամփը Էրդողանին ասել է, որ ամերիկյան իշխանություններն աշխատում են Գյուլենին արտահանձնելու ուղղությամբ։