Հոնկոնգում ձերբակալվել է մի տղամարդ, որը քաղաքի ամենաաղքատ շրջանում լուսամուտից փողեր է շպրտել։ South China Morning Post-ը տեղեկացնում է, որ տղամարդը կալանավորվել է շքեղ ավտոմեքենայից դուրս գալիս։
Սոցցանցերում հայտնվել են տեսանյութեր, որոնցում երեւում են շենքից թռչող 100 դոլարանոցներ, իսկ կատաղած ամբոխը փորձում է բռնել դրանք։
Մինչ այդ տղամարդը դուրս է եկել շքեղ ավտոմեքենայից եւ հարցրել անցորդներին՝ հավատում են արդյոք նրանք, որ երկնքից կարող է փող թափվել։ Լրատվամիջոցը հայտնում է, որ գործարար Վոնգ Չինգն այդ քայլին դիմել է հանուն կրիպտոարժույթի։
«Ինձ տարել էին քրեական հետաքննությունների բաժին»,- տեսախցիկի մեջ ժպտալով ասել է նա։
Գլխավոր տեսուչ Կեւին Չոնգ Կիու Վայը հայտարարել է, որ Վոնգը ձերբակալվել է հասարակական վայրում խուլիգանության համար։