Չինաստանը երբեք չի ձգտի հեգեմոնիայի։ Այս մասին շուկայական բարեփոխումների 40 ամյակին նվիրված իր խոսքում հայտարարել է ՉԺՀ նախագահ Սի Ցզինպինը՝ տեղեկացնում է AP-ն։
Նա նշել է բազմակողմանի առեւտրային համակարգին եւ իր տնտեսության հետագա բացմանը Չինաստանի հավատարմությունը։Ցզինպինը հավաստիացրել է, որ Չինաստանը չի զարգանալու «ուրիշ երկրների շահերի հաշվին»։ «Չինաստանի զարգացումը չի սպառնում այլ երկրներին»,- ասել է Սին՝ հավելելով․ «Անկախ այն բանից, թե որքան հեռուն կգնա Չինաստանի զարգացումը, նա երբեք հեգեմոնիայի չի ձգտի։
Նա նաեւ նշել է, որ «ոչ ոք չի կարող թելադրել չինացի ժողովրդին՝ ինչ անել եւ ինչ չանել»։ «Մենք հաստատակամորեն բարեփոխում ենք այն, ինչը կարելի է բարեփոխել, եւ հաստատակամորեն սատարում ենք այն, ինչը չի կարելի եւ պետք չէ փոխել»,- ասել է նա։
