Թուրքիայի արդարադատության նախարար Աբդուլհամիթ Գյուլը սպասում է, որ ԱՄՆ-ն որոշում կընդունի երկրում արգելված «ահաբեկչական ֆեթուլլահակաների կազմակերպության» (FЕТО) ղեկավար Ֆեթուլլահ Գյուլենին Անկարային հանձնելու մասին, փոխանցում է Habertürk-ը:
«Մենք Գյուլենին Թուրքիային հանձնելու հարցման հետ կապված իրավիճակի դրական զարգացում ենք սպասում, որովհետեւ մեր դատական մարմինների հարցմամբ այդ կազմակերպության ղեկավարի արտահանձնումը անհրաժեշտ միջացառում է»,- ասել է Գյուլը: Նա հավելել է, որ «ԱՄՆ դատախազությունը եւ ՀԴԲ-ն Գյուլենի գործով սեփական քննություն են անցկացնում, եւ սա շատ կարեւոր է»:
«Ամերիկացիներն այդ քննությունների շրջանակում, երկկողմ պայմանավորվածությունների համաձայն, մեզնից տեղեկություններ են հայցում, ինչպես նաեւ փոխանցում են իրենց տրամադրության տակ եղածները: Այս գործընթացը դեռեւս չի ավարտվել, որի արդյունքն այս պահին բացասական չէ: Մենք սպասում ենք, որ FЕТО-ի ղեկավարը, կազմակերպության ղեկավարները կհանձնվեն: Թուրքիան արտահանձնման հարցում դրական արդյունք է սպասում»,- շեշտել է նա:
Կիրակի Թուրքիայի ԱԳ նախարար Մեւլութ Չավուշօղլուն ասել էր, որ ԱՄՆ նախագահ Դոնալդ Թրամփը իբր Էրդողանին տեղեկացրել է, որ ամերիկլյան կողմը քննարկում է Գյուլենին արտահանձնելու հնարավորությունը: Սակայն Սպիտակ տունը հերքել էր՝ հայտարարելով, որ Թրամփը Թուրքիայի իշխանություններին Գյուլենի արտահանձնման մասին հավաստիացումներ չի տվել, միայն ասել է, որ ԱՄՆ-ն կքնարկի արտահանձնման հարցը»: