Գազի սակագինը, կարծում եմ, չի բարձրանա: Այս մասին այսօր` դեկտեմբերի 27-ին, լրագրողների հետ զրույցում ասաց Էներգետիկ ենթակառուցվածքների և բնական պաշարների նախարարի պաշտոնակատար Գարեգին Բաղրամյանը:
Հարցին, թե որքանով են ճիշտ լուրերը, որ գազի սակագինը կբարձրանա, Բաղրամյանը պատասխանեց. «Չեմ կարծում, որ կթանկանա, բայց սպասենք բանակցությունների ավարտին»:
Նա ընդգծեց՝ տեղյակ չէ, թե ինչպիսի դիրքորոշում այս հարցի շուրջ ունի Ռուսաստանը՝ նկատելով, որ հայկական կողմը բանակցում է գազի սակագնի իջեցման մասին. «Բնականաբար, մենք բանակցում ենք սակագինն իջեցնելու շուրջ, իսկ Ռուսաստանի առաջարկներից ես տեղյակ չեմ: Լավագույն արդյունքը մեզ համար պիտի լինի սակագինն իջեցնելը: Չեմ կարծում, որ կթանկանա: Գազի սակագնի իջեցման շուրջ բանակցություններին մնացին հաշված ժամեր, մի փոքր էլ սպասեք և արդյունքները պարզ կդառնան»,- ասաց նախարարի պաշտոնակատարը: