«Չանյե-4» չինական զոնդն առաջին ավտոմատ արշավախումբն է, որը հաջողությամբ վայրէջք է կատարել Լուսնի հակառակ կողմում, հաղորդում է Sky News-ը՝ վկայակոչելով չինական լրատվամիջոցներին:
«Չանյե-4» միջմոլորակային ավտոմատացված կայանը վայրէջք է կատարել հինգշաբթի վաղ առավոտյան՝ Պեկինի ժամանակով, հաղորդում է չինական կենտրոնական հեռուստաալիքը:
Անօդաչուն վայրէջք է կատարել Լուսնի Հարավային բեւեռի մոտ:
Արշավախմբի մեկնարկը, որը բաղկացած էր վայրէջքի մոդուլից եւ լուսնընթացից, տրվեց 2018 թվականի դեկտեմբերի 8-ին։
Տեղական ԶԼՄ-ները հաղորդեցին, որ զոնդի արշավախումբը կիրականացնի 10 փորձ, որոնց թվում են կարտոֆիլի եւ այլ մշակաբույսերի աճեցումը:
Լուսնի հակառակ կողմը համեմատաբար չուսումնասիրված տարածք է, եւ երկրային արբանյակի այդ տարածքից արձակած ազդանշանները կարող են հասնել Երկիր՝ մեծ արգելքներով:
Ավելի վաղ Չինաստանը, որն իր ռազմական տիեզերական ծրագրում միլիարդավոր ներդրումներ է կատարել, հայտարարել էր 2022 թվականին տիեզերակայան կառուցելու ծրագրերի մասին:
