Մեծ Բրիտանիայում երկու մարդ ձերբակալվել է գնացքում 14-ամյա որդու աչքերի առջեւ մի տղամարդու մահացու դանակահարելու փաստով, տեղեկացնում է Sky News-ը։
Տղամարդը ձերբակալվել է Ֆարնհեմ քաղաքում։
Ձերբակալվել է նաեւ 27-ամյա մի կին՝ հանցագործությանը մասնակից լինելու կասկածանքով։
Ինչպես տեղեկացրել են բրիտանական տրանսպորտային ոստիկանությունում, հետաքննությունն արագ է ընթանում։
Հայտնի է դարձել, որ սպանությունը պատահական չի եղել. կասկածյալը եւ զոհը վերջին երեք ամիսներին վեճի մեջ են գտնվել։
Սպանությունը տեղի է ունեցել նախօրեին, տեղի ժամանակով ժամը 12։58-ին, Գիլֆորդ եւ Վաթերլոո կայարանների միջեւ ընկած տեղանքում։
51-ամյա զոհը վախճանվել է դանակի բազմաթիվ վերքերից։ Նրա ընտանիքը, այդ թվում եւ 14-ամյա որդին, ցնցված են կատարվածից և հոգեբանների ծառայությունից են օգտվում։
Դատաբժշկական փորձաքննությունը կիրականացվի հաջորդ շաբաթ։