![](img/news/48/93/27/default.jpg)
Բրիտանացի լորդ Էդի Դեւենպորտը հայտնվել է սպանությամբ ուղեկցված սեքս-սկանդալի եւ գինարբուքի կիզակետում, գրում է Գազետա ռու-ն՝ հղում կատարելով The Sun-ին։
Պահապաններից մեկի՝ Թյուդոր Սիմոնովի սպանությունից մեկ օր անց, որը հսկում էր մասնավոր սեքս-երեկույթը, Դեւենպորտը նոր սեքս-երեկույթ է կազմակերպել՝ մուտքը 100 ֆունտով, նշում է պարբերականը։
Ծագումով ռումինացի 33-ամյա Սիմոնովը մահացու վերք է ստացել սեքս-երեկույթից առաջ տեղի ունեցած քաշքշուկի ժամանակ, որի կազմակերպիչներից մեկն, ըստ լրատվամիջոցների, Դեւենպորտն է եղել։
Չնայած պատահարին՝ ԶԼՄ-ների տվյալներով ընդամենը մեկ օր հետո հարեւան փողոցում Դեւենպորտը նմանատիպ նոր միջոցառում է կազմակերպել իր առանձնատանը։ Պարբերականը գրում է, որ երեկույթի լուսանկարներում աղջիկները պատկերված էին արվեստի գործերի, թանկարժեք ջահերի եւ երփներանգ դիսկո-գնդերի ֆոնին։
Նշվում է, որ 52-ամյա Դեւենպորտը դատված է եղել եւ երեք տարով ազատազրկվել ներդրողներին խաբելու համար։