Այսօր մեկնարկեց 2019 թվականի առաջին աշխատանքային շաբաթը, ուր մենք մուտք ենք գործում օրեցօր ավելացող մտահոգություններով։ Այս մասին Facebook-ի իր էջում գրել է ՀՀԿ մամուլի խոսնակ, դեռեւս ԱԺ փոխնախագահ Էդուարդ Շարմազանովը:
«Նա, մասնավորապես, նշել է.
«1.Առաջին անհրաժեշտության բազմաթիվ ապրանքների թանկացում,
2.2018 թվականի բյուջեի թերի կատարում կամ կրճատում,
3.Առանց իրական ընդդիմության նոր խորհրդարան,
4.ՀԱՊԿ-ում ՀՀ-ի դիրքերի թուլացում ու գլխավոր քարտուղարի պաշտոնի կորուստ,
5. Փաշինյանի խոստացած հայ-ռուսական փայլուն հարաբերությունների փոխարեն գազի թանկացում,
Այս շարքը երկար է, բայց կա մեկ լավ լուր...
Վարչապետի պաշտոնակատարը այս ամենը պարտություն չի համարում։
Փաստորեն, մեզ այսպիսի՞ հաղթանակներ եւ տնտեսական հեղափոխություն է սպասվում»:
