Գերմանիայի ոստիկանությունը երկրի արեւմուտքում՝ Հեսսեն դաշնային հողում, ձերբակալել է գերմանացի գործիչների եւ հայտնի անձանց դեմ հաքերային հարձակումների շարքի, ինչպես նաեւ նրանց անձնական տվյալների գողության կասկածյալին, հաղորդում է ՏԱՍՍ–ը՝ վկայակոչելով Spiegel Online–ին։
Ըստ հրապարակման՝ կասկածյալը 20 տարեկան է։
Բունդեսթագի պատգամավորների անձնական տվյալների զանգվածային արտահոսքի մասին հայտնի դարձավ անցյալ շաբաթ։ Համացանցում հայտնվել էին մոտ 1000 անձանց մասին տեղեկություններ։