Իրաքը հատուկ ջոկատ է մտցրել Կիրկուկ այն բանից հետո, երբ «Քուրդիստանի հայրենասիրական միություն» կուսակցության գլխավոր գրասենյակի վրա բարձրացվել է Քուրդիստանի դրոշը։
Իրաքի Ահաբեկչության դեմ պայքարի վարչության ղեկավարը դրոշն իջեցնելու համար մինչեւ ուրբաթ կեսօր ժամանակ է տվել՝ տեղեկացնում է AFP-ն։
Իրաքի սահմանադրության համաձայն՝ Կիրկուկ քաղաքը վերահսկվում է Բաղդադում կենտրոնական կառավարության կողմից։
Կիրկուկը այն մի քանի տարածաշրջաններից է, որոնք քուրդ զինյալները «Իսլամական պետությունից» ազատագրել են 2014թ․։
Դեկտեմբերին Բաղդադը եւ Իրաքյան Քուրդիստանը հայտարարել էին Կիրկուկից նավթի արտահանումը վերականգնելու համաձայնության մասին։