ԱՄՆ զինվորականները որոշ տեխնիկա են դուրս բերել Սիրիայից, հաղորդում է AFP- ն` հղում կատարելով Պենտագոնի ներկայացուցիչին:
«Ես կարող եմ հաստատել Սիրիայից տեխնիկայի դուրսբերումը», - ասել է պաշտոնյան: «Անվտանգության նկատառումներից ես հիմա մանրամասներ չեմ ներկայացնի»:
Դեկտեմբերի 19-ին ԱՄՆ նախագահ Դոնալդ Թրամփը հայտարարել էր ամերիկյան զորքերը Սիրիայից դուրս բերելու որոշման մասին: Սակայն զորքերի դուրսբերման ժամանակացույցը դեռեւս պարզ չէ:
Սարքավորումների եւ տեխնիկայի դուրսբերման մասին առաջինը հաղորդել էր CNN-ը՝ վկայակոչելով վարչակազմի ներկայացուցչին:
CNN-ը նշել էր, որ Պենտագոնը ցանկանում է նախագահին ցույց տալ, որ զորքերը դուրս բերելու մասին նրա որոշումից հետո աշխատում է նախագահի նպատակին հասնելու ուղղությամբ:
Նախօրեին Եգիպտոսում պետքարտուղար Մայք Պոմպեոն ընդգծել էր, որ Սիրիայից ամերիկացի զինվորականների դուրս բերումը կշարունակվի:
