Ազատության նախատեսված 4 տեսակներն առաջին հերթին վերաբերում են ԵՄ ներքին շուկային, մասնավորապես՝ ծառայությունների, մարդկանց եւ աշխատանքի ազատ տեղաշարժման համար, իսկ ԵՄ սահմաններից դուրս երրորդ կողմերի հետ Բրյուսելը առանձին համաձայնագրեր է կնքում, ինչպիսին ստորագրվել է Հայաստանի հետ:
Հունվարի 16-ին Ազգային ժողովի նիստի ժամանակ այս մասին հայտարարեց վարչապետ Նիկոլ Փաշինյանի նախկին խոսնակ Արման Եղոյանը, ում առաջադրեցին Եվրոպական ինտեգրացիայի հարցերով խորհրդարանական մշտական հանձնաժողովի նախագահի պաշտոնում:
Նրա խոսքով՝ կախված այն հանգամանքից, թե ում հետ է համաձայնագիրը ստորագրվել, նրանք եզրակացություն են կատարում, թե որքանով են համատեղելի ավելի վաղ ստորագրված ներքին եւ այլ միջազգային պայմանագրերը: «Եթե մենք ԵՏՄ անդամ ենք, ապա այն նորմերը, որոնք արդեն հակասում են Հայաստանի ստորագրած այլ միջազգային տնտեսական համաձայնագրերին, բնականաբար չեն ընդունվի, եթե, իհարկե, համաձայնեցված չեն այլ միջազգային պայմանագրերով»,- պարզաբանեց Եղոյանը: Ընդ ոում՝ նա նշեց, որ ԵՄ-ի հետ համաձայնագիրը միայն որոշ չափով է տնտեսական բնույթ կրում: