Մալայզիայի ֆինանսների նախարար Լիմ Գուան Էնգը հայտարարել է, որ Goldman Sachs-ի կողմից պետական ներդրումային 1MDB հիմնադրամը մի քանի մլրդ դոլարով թալանելուց հետո ներողություն խնդրելը բավարար չէ, եւ որ նա պետք է 7,5 մլրդ դոլար փոխհատուցում վճարի՝ տեղեկացնում է AP-ը։

Goldman  Sachs-ի գլխավոր տնօրեն Դեւիդ Սոլոմոնը Մալայզիայի ժողովրդից ներողություն է խնդրել նախկին բանկիր Տիմ Լեյսների կողմից 1MDB-ի բաժնետոմսերը վաճառելու համար, որի հետեւանքով երկրի վարչապետ Նաջիբ Ռազակի մերձավորները մի քանի տարի հիմնադրամից միլիարդավոր դոլարներ գողանալու հնարավորություն են ունեցել։ Սոլոմոնն ասել է, որ նախկին իշխանությունները բանկին թյուրիմացության մեջ են գցել։