Կարծում եմ՝ որեւէ մեկը չի կասկածել Ծառուկյանի մտքից, ելույթից, տեսակետից, ոլորտից: Այս մասին, այսօր՝ հունվարի 18-ին, ԱԺ-ում լրագրողների հետ զրույցում նշեց ԲՀԿ առաջնորդ Գագիկ Ծառուկյանը՝ պատասխանելով, հարցին, թե ինչը դրդեց իրեն 16 տարվա մեջ առաջին անգամ մոտենալ ԱԺ ամբիոնին ու ելույթ ունենալ:
«Համապատասխան, մենք քննարկել ենք խմբակցությունում, ով պետք է ելույթ ունենա, ասել եմ՝ դուք ունեցեք: Այդ օրը նստած էինք, հիմնականում մեր կլասիկ պատգամավոր Էդմոն Մարուքյանը, որ էլի ասելով, որ մենք կապ չունենք ԲՀԿ-ի հետ, ես ուզեցի իրեն ասել, որ մենք ընդհանրապես մեզ շատ ծանր ենք պահել, հարգալից, պարոն Մարուքյան: Որ ասենք, բանավեճից հետո դու մոտեցել ես, ես քո ձեռքը սեղմել եմ, խորհրդարանական ընտրությունից հետո ես շնորհավորել եմ «Իմ քայլին» ու «Լուսավոր Հայաստանին»: Մենք էսօր կռիվ չունենք ոչ մեկի հետ: մենք առաջ ենք տանելու մեր ծրագիրն ու մոտեցումը»,-հայտարարեց Ծառուկյանը:
