News
Լրահոս
News
Երեքշաբթի
Մարտ 19
Տեսնել լրահոսը

Արցախում նախօրեին տեղի ունեցած ողբերգական վթարի հետեւանքով զոհված երեք տղամարդիկ  Վայոց Ձորի մարզի Վերնաշեն գյուղից էին։ Այս մասին NEWS.am–ին հայտնեց Վայոց Ձորի մարզի Գլաձոր խոշորացված համայնքի ղեկավար Արմեն Մովսիսյանը։

Նա նշեց, որ վարորդն ու ուղեւորները ընկերներ են, զբաղվում էին շինարարությամբ եւ Արցախ էին մեկնել շինարարական աշխատանքներ կատարելու նպատակով։

Մովսիսյանը նշեց, որ նախնական վարկածով՝ վթարի պատճառը վարորդի ինքնազգացողության վատացումն է եղել։

Նշենք, որ վթարի հետեւանքով տեղում մահացել են մեքենայի վարորդ, 50–ամյա Օկսեն Գասպարյանը, ուղեւորներ՝ 49–ամյա Էդիկ Հովհաննիսյանը եւ  47–ամյա Արթուր Հակոբյանը, իսկ 51–ամյա Արթուր Թովմասյանը տարբեր աստիճանի մարմնական վնասվածքներով տեղափոխվել է Շահումյանի շրջանային բուժմիավորում:

Ըստ բժշկներից ստացված տեղեկության` տուժածի վիճակը գնահատվում է միջին ծանրության:

Ավելի վաղ հայտնել ենք, որ հունվարի 20-ին ժամը 22:07-ին Արցախի Շահումյանի շրջանային ԱԻ բաժնից տեղեկություն է ստացվել, որ Քարվաճառ քաղաքից Ծառ համայնք տանող ճանապարհի 12-րդ կմ-ին տեղի է ունեցել ավտովթար:

Տեղ հասնելուն պես պարզվել է, որ «Նիվա» մակնիշի ավտոմեքենան դուրս է եկել ճանապարհի երթեւեկելի մասից եւ գլորվել ձորով հոսող գետը։ Վթարի հետեւանքով վարորդը եւ ուղեւորներից երկուսը մահացել են, իսկ երրորդ ուղեւորը հոսպիտալացվել է։

Արցախի Շահումյանի շրջանում «Նիվան» գլորվել է ձորով հոսող գետը. Կա երեք զոհ եւ մեկ վիրավոր (ֆոտո)

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ակնալիճ գյուղի արագաչափի մոտ բախվել են  «Hyundai»-ն և Opel-ը. վերջինս գլխիվայր շրջվել է. կա վիրավոր
Մարտի 19-ին, ժամը 09:14-ին Արմավիրի մարզային փրկարարական վարչության...
Սյունիքի մարզում 4 մարդու կյանք խլած ավտովթարի հանգամանքները պարզվում են քրեական վարույթի շրջանակներում. Աբրահամյան
Նշված ողբերգական դեպքի առթիվ Սյունիքի մարզային քննչական վարչության...
Չարենցավանի կամրջի մոտ բախվել են «Nissan»-ը և «Mercedes-Benz»-ը, 3 մարդ հոսպիտալացվել է
Մարտի 19-ին, ժամը 08:00-ին Կոտայքի մարզային փրկարարական վարչության...
Ճամբարակում տուն է փլուզվել. ներսում քաղաքացի է եղել. փրկարարները նրան պատուհանից դուրս են բերել
Մարտի 19-ին, ժամը 12:03-ին Գեղարքունիքի մարզային փրկարարական վարչության...
Արմավիրի մարզում բախվել են «Lexus»-ն ու «LADA Priora»-ն. կա 1 զոհ. բժիշկները պայքարում են 3 վիրավորի կյանքի համար
Այսօր՝ մարտի19-ին, խոշոր ատովթար է տեղի ունեցել Արմավիրի մարզում: Ժամը...
Մալիշկայի բնակչուհու առանձնատնից գողությունը կատարել էր 28-ամյա համագյուղացին
Մարտի 15-ին ՆԳՆ ոստիկանության Եղեգնաձորի բաժնում հաղորդում տված...
Ամենաշատ