Աֆղանստանում Մայդան Վարդակ քաղաքի ռազմաբազայի վրա թալիբների հարձակման հետեւանքով անվտանգության ուժերի ավելի քան 100 աշխատակից է զոհվել։ Այս մասին, չցանկանալով իր անունը նշել, հայտարարել է պաշտպանության նախարարության բարձրաստիճան պաշտոնյան՝ փոխանցում է Reuters-ը։
«Մենք տեղեկատվություն ունենք, որ ռազմական ուսումնական կենտրոնի ներսում պայթյունի հետեւանքով զոհվել է 126 մարդ»,- ասել է նա։
Քաղաքապետարանի մի պաշտոնյա եւս հայտարարել է, որ զոհերի թիվն անցել է 100-ից։