2016 թվականին Վաչիանում սպանված 37-ամյա Օֆելյայի հայրը` Խաչատուր Ալեքյանը, դիմել է Jnews.ge- ի խմբագրությանը, որ արդեն երրորդ տարին է ոչ մի կերպ չի կարողանում տեղեկություն ստանալ իր դստեր եւ երեք թոռների սպանության գործի ընթացքի մասին:
Ըստ նրա, Ալեքյանների ընտանիքը պաշտոնապես դիմել է Գլխավոր դատախազությանը, քանի որ Ախալցիխեում ընթացող քննությունը որեւէ տեղեկություն չի տրամադրում գործի ընթացքի մասին:
2018 թ. հուլիս-օգոստոսին Ալեքյանների ընտանիքը փաստաթղթեր է ստացել Գլխավոր դատախազության, Ախալցիխեի շրջանային դատախազության եւ Վրաստանի ներքին գործերի նախարարության միջեւ նամակագրության վերաբերյալ: Գլխավոր դատախազությունը կոչ է անում շրջանային դատախազությանը քննարկել Ալեքյանների ընտանիքի դիմումը եւ տալ մանրամասն պատասխան: Ինչին դրանից 2 օր անց, շրջանային դատախազությունը դիմել է Վրաստանի ներքին գործերի նախարարությանը, կոչ անելով օբյեկտիվ հետաքննություն իրականացնել, որպեսզի Քաչոտյանների ընտանիքի սպանության մեջ մեղավորները հայտնաբերվեն եւ ձերբակալվեն:
Այդ նամակագրությունից հետո կես տարվա մեջ մահացածների ընտանիքն այլ մանրամասներ չի ստացել: Սպանվածների ընտանիքը եւ հարազատները դեռեւս հավատում են, որ հետաքննությունը չի գտել բոլոր մեղավորներին:
Հիշեցնենք, որ 2016 թ. hուլիսի 10-ի գիշերը Քաչոտյանների տանը սպանել էին մորը եւ երեք երեխաներին՝ 37-ամյա Օֆելյային, 16-ամյա Արմինեին, 18-ամյա Ասյային եւ 5-ամյա Սերգեյին: Սպանության երկրորդ օրը ձերբակալվել էր սպանվածների համագյուղացին՝ Նոդար Ակոպովը: Հետաքննությունը տարվում էր կանխամտածված սպանություն ծանրացուցիչ հանգամանքներում փաստով (Վրաստանի Քրեական օրենսգրքի 109-րդ հոդվածի 3-րդ կետի «ա» ենթակետով): Նրան մեղադրանք էր առաջադրվել: Իրավապահ մարմինների տվյալներով, նա ինքնասպան է եղել 2016 թ. օգոստոսի 27-ին, կախվելով Գլդանիի №8 բանտում:
Վաչիանիում հայ ընտանիքի սպանության գործով մեղադրյալի ինքնասպանությունից հետո քրգործը կարող է կարճվել