Շվեյցարիայի Դավոս քաղաքում հունվարի 22-ին անվտանգության ուժեղացված միջոցառումների պայմաններում բացվել է ամենամյա Համաշխարհային տնտեսական համաժողովը:
Չորս օրվա ընթացքում քաղաքականության, տնտեսության եւ հասարակության ավելի քան չորս հազար բարձրաստիճան ներկայացուցիչներ կքննարկեն այնպիսի միջազգային խնդիրների հնարավոր լուծումները, ինչպիսիք են առեւտրային պատերազմները, կիբեր հարձակումները եւ կլիմայի փոփոխությունը, հաղորդում է DW-ն:
Այս տարի համաժողովն անցկացվում է «Գլոբալացում 4.0. համաշխարհային ճարտարապետության որոնումները՝ չորրորդ արդյունաբերական հեղափոխության դարում» նշանաբանով:
Greenpeace բնապահպանական կազմակերպության ղեկավար Ջենիֆեր Մորգանը կարծիք է հայտնել, որ շեշտադրությունը սխալ է ընտրվել, հարկավոր էր ավելի մեծ ուշադրություն դարձնել կլիմայի խնդիրներին:
Դավոսում ներկայիս համաժողովն անցկացվում է առանց ԱՄՆ նախագահ Դոնալդ Թրամփի եւ Ֆրանսիայի նախագահ Էմանուել Մակրոնի, ինչպես նաեւ Բրիտանիայի վարչապետ Թերեզա Մեյի:
