Հույն քննիչները Պիրեա նավահանգստի նավերից մեկում 5 մլն Կապտագոն հաբերով կապարե բեռնարկղ են հայտնաբերել, որոնք գրգռիչ ազդեցություն ունեն։ Գաղտնի բեռն ուղեւորվում էր Մերձավոր Արեւելք՝ ԻՊ–ի ահաբեկիչների հասցեով, ենթադրում են իրավապահները, գրում է RG–ն ։
Kathimerini թերթի տվյալներով՝ հատուկ ծառայությունների գործողությունն իրականացվել է հունվարի սզբին, սակայն դրա մասին հայտնի է դարձել միայն հիմա։ Հաբերը թաքցրել էին կապարե շերտի մեջ, որոնցից յուրաքանչյուրը 10 հազար հաբ էր պարունակում։
Հետաքննության անցկացման եւ թմրամիջոցների բռնագրավման ընթացքում աջակցություն են ցույց տվել թուրք եւ խորվաթ գործընկերները, ասել է հունական ոստիկանության ներկայացուցիչը։
Հիշեցնենք, որ սա առաջին դեպքը չէ, երբ թեժ կետեր թմրամիջոցների առաքման համար Հունաստանի նավահանգիստներն են օգտագործվում։ Դեկտեմբերի սկզբին Կապտագոնի 25 մլն հաբերի ռեկորդային խմբաքանակ էր բռնագրավվել։