Չինաստանի տնտեսությունը շարունակում է կայուն աճ ունենալ: Դավոսում Համաշխարհային տնտեսական համաժողովի ընթացքում այս մասին ասել է Չինաստանի փոխնախագահ Վան Ցիշանը, գրում է Reuters-ը:
«2019-ին շատ անորոշություններ կլինեն, սակայն Չինաստանի տնտեսությունը կշարունակի կայուն աճ ունենալ», - ասել է նա:
«Արագությունը նշանակություն ունի: Բայց այն, ինչն իսկապես կարեւոր է, դա մեր տնտեսական զարգացման որակն է եւ արդյունավետությունը»:
Նրա խոսքով՝ Չինաստանը չի կարծում, որ իր տնտեսությունը էքսպանսիոն փուլի վերջին է մոտենում: Նա նաեւ բոլոր կողմերին կոչ է արել աջակցել բազմակողմանիությանը եւ հնարավոր ամեն ինչ անել, որպեսզի համաշխարհային անհավասարակշռությունները չխորանան:
Այս շաբաթ Չինաստանը հաղորդել էր չորրորդ եռամսյակում աճի տեմպերի նվազցեման մասին՝ ներքին անկայուն պահանջարկի եւ ԱՄՆ-ի հետ առեւտրայիյն պատերազմի պատճառով:բ Այս եռամսյակում ներքին համախառն արդյունքը համաշխարհային ճգնաժամից հետո դանդաղ է աճել՝ տարեկան կտրվածքով նվազելով մինչեւ 6.4 տոկոս: Սա հանգեցրել է տարեկան աճի մինչեւ 6.6 տոկոս նվազեցմանը:
