Գլխավորելու եմ Եվրանեսթ խորհրդարանական վեհաժողովում ՀՀ Ազգային ժողովի պատվիրակությունը: Այս մասին Facebook-ի իր էջում գրել է ՀՀ Ազգային ժողովի «Իմ քայլը» խմբակցության պատգամավոր, Սփյուռքի նախկին նախարար Մխիթար Հայրապետյանը:
Նա, մասնավորապես, նշել է.
«Այսօր Ազգային ժողովի Խորհրդի նիստում ձեւավորվեց Արեւելյան գործընկերության խորհրդարանական վեհաժողովում (Եվրանեսթ) Ազգային ժողովի յոթերորդ գումարման պատվիրակության կազմը:
Կարեւորելով միջազգային տարբեր հարթակներում խորհրդարանական դիվանագիտության դերը՝
հպարտությամբ պետք է նշեմ, որ գլխավորելու եմ այս պատասխանատու առաքելություն իրականացնող պատվիրակությունը:
Վստահ եմ, որ կուսակցական ընկերներիս եւ «Բարգավաճ Հայաստան» ու «Լուսավոր Հայաստան» կուսակցությունները ներկայացնող իմ գործընկերների հետ մեզ կհաջողվի պատվով ներկայացնել Հայաստանի Հանրապետությունը միջազգային այս հարթակում»: