Աշխարհը բախվում է տագնապալի «պառակտման» հետ՝ Դավոսում Համաշխարհային տնտեսական համաժողովում հայտարարել է ՄԱԿ գլխավոր քարտուղար Անտոնիո Գուտերիշը՝ հավելելով, որ Միացյալ Նահանգների, Ռուսաստանի եւ Չինաստանի հարաբերություններն անհանգստություն են առաջացնում։
Նրա խոսքերով, խաղաղությունից շարունակական հեռացումը, որում նախկինում առաջատար էին սառը պատերազմի ժամանակների երկու մեծ տերությունները, ստեղծել է «որոշ չափով քաոսային իրավիճակ»։
«Մենք այլեւս չենք ապրում երկբեւեռ կամ միաբեւեռ աշխարհում, սակայն մենք դեռեւս բազմաբեւեռ աշխարհում էլ չենք»,- ասել է նա՝ հավելելով․ «Իշխանության հանդեպ վերաբերմունքը անհասկանալի է դառնում»։
Գուտերիշը նաեւ կոչ է արել երկրներին միասին աշխատել եւ ապահովել բազմակողմանիությունը։
