ՆԱՏՕ-ի պետություններից շուրջ 10 հազար զինծառայողներ կմասնակցեն «Գարնանային փոթորիկ» վարժանքներին, որոնք կսկսվեն ապրիլի 29-ին Էստոնիայում, հաղորդում է ՐԻԱ Նովոստի-ն՝ հղում կատարելով էստոնական Պաշտպանության ուժերի մամուլի ծառայությանը:
«Գարնանային փոթորիկ» վարժանքներն այս տարի կանցկացվեն Էստոնիայի հյուսիս-արեւելյան մասում: Դրանց կմասնակցեն շուրջ 10 հազար զինծառայողներ, այդ թվում՝ Էստոնիա տեղահանված ՆԱՏՕ-ի միջազգային գումարտակից Մեծ Բրիտանիայի եւ Բելգիայի զինվորականներն ու էստոնական Պաշտպանության ուժերի զինծառայողները:
«Գարնանային փոթորիկ» նախորդ վարժանքներին, որոնք տեղի էին ունեցել 2017 թվականին, մասնակցել էին շուրջ 9 հազար զինծառայողներ: Բացի էստոնական զինվորականներից, զինավարժություններում ներգրավվել էին 14 երկրներից շուրջ 2.3 հազար զինծառայողներ:
