Հատուկ քննչական ծառայության պետ Սասուն Խաչատրյանը պարզաբանել է, թե ինչու պաշտպանության նախկին նախարար Սեյրան Օհանյանի նկատմամբ չի կիրառվել կալանքը որպես խափանման միջոց։
«Վարույթն իրականացնող մարմինը գտել է, որ Սեյրան Օհանյանի պարագայում ստորագրությունը չհեռանալու մասին ի զորու է ապահովել նրա պատշաճ վարքագիծը, այդ պատճառով այլ խափանման միջոց չի ընտրվել»,- այսօր՝ հունվարի 28-ին, լրագրողների հետ զրույցում ասաց Սասուն Խաչատրյանը։
Հիշեցնենք, որ Մարտի 1-ի քրեական գործի շրջանակում մեղադրանք է առաջադրվել ՀՀ պաշտպանության նախկին նախարար Սեյրան Օհանյանին: Նրա նկատմամբ որպես խափանման միջոց ընտրվել է ստորագրությունը չհեռանալու մասին:
Սեյրան Օհանյանը 2008-ին զբաղեցրել է Պաշտպանության նախարարության ԶՈՒ գլխավոր շտաբի պետի պաշտոնը: