Ես կարող եմ հստակ ասել, որ Հայաստանի ձայնն ավելի լսելի դարձավ: ՌԲԿ հեռուստաալիքին տված հարցազրույցում այս մասին ասել է ՀՀ վարչապետ Նիկոլ Փաշինյանը:
«ՀԱՊԿ-ի համար կարեւոր է հարցերի քննարկումը, մենք քննարկում ենք կառույցի էությունը, թե ինչ է այն իրենից ներկայացնում, ինչ պարտականություններ ունեն երկրները կազմակարպությունում եւ հակառակը: Եվ ինչ պարտականություններ ունեն երկրներն իրենց գործընկերների առջեւ», – ասել է նա:
Հարցին՝ լսելի է եղել արդյոք նա այս ընթացքում եւ արդյոք Հայաստանի ձայնը ՀԱՊԿ-ում ավելի ծանրակշիռ է դարձել, Փաշինյանը պատասխանել է, որ երկխոսությունը շարունակվում է.
«Ես կարող եմ հստակ ասել, որ Հայաստանի ձայնն ավելի լսելի դարձավ եւ շատ կառուցողական գործընթաց է ընթանում»,- նշել է նա:
Ինչ վերաբերում է Բելառուսի նախագահ Ալեքսանդր Լուկաշենկոյի հետ հարաբերություններին, ապա, ըստ Փաշինյանի, նրանց միջեւ ընդհարում չի եղել: «Ես դա ընդհարում չէի անվանի: Դա հարցերի քննարկում էր»:
