Եվրոպական դիվանագիտության ղեկավար Ֆեդերիկա Մոգերինին Բրյուսելում Արաբական պետությունների լիգայի հետ բանակցությունների բացմանը հաստատել է, որ ԵՄ-ն Դամասկոսի հետ հարաբերությունների կարգավորման պայման է համարում հակամարտության քաղաքական լուծման մշակումը, փոխանցում է «ՌԻԱ Նովոստի»-ն:
Բրյուսելում երկուշաբթի ընթանում են ԵՄ-ի եւ ԱՊԼ-ի խորհրդակցությունները, որոնք կոչված են փետրվարի վերջին Եգիպտոսում երկկողմ գագաթնաժողովի անցկացումը նախապատրաստելուն:
«Հույս ունեմ, որ այս սեղանի շուրջ բոլորը համաձայն են այն տեսակետին, որ խաղաղություն կարող է բերել ՄԱԿ հովանու ներքո բանակցությունների ճանապարհով քաղաքական լուծումը միայն: Մեզ համար սա ակներեւորեն նախապայման է Դամասկոսի հետ հարաբերությունների կարգավորման եւ վերակառուցման նպատակով»,- հայտարարել է Մոգերինին՝ դիմելով հանդիպման մասնակիցներին:
Նա նաեւ հույս է հայտնել, որ բոլոր երկրները կմասնակցեն մարտին նախատեսված Սիրիայի ապագայի հարցով երրորդ միջազգային համաժողովին:
Սիրիայի ԱԳ փոխնախարար Ֆեյսալ Միքդադը ավելի վաղ ՄԱԿ-ին կոչ էր արել հրաժարվել մասնակցել Բրյուսելում Սիրիայի համար հերթական դոնորական համաժողովին, «որովհետեւ դրա հիմնական նպատակը քաղաքական պայմանների պարտադրումն է»:
