2019 թվականի փետրվարի 4-ին ՌԴ ՔԿ Նիժնի Նովգորոդի քննչական վարչությունը հայտնել է, որ փետրվարի 2-ին դատարանը բավարարել է 27-ամյա տղամարդուն կալանավորելու միջնորդությունը, ում կասկածում են ՌԴ ՔՕ 171.2 հոդվածի 2-րդ մասով (ազարտային խաղերի ապօրինի կազմակերպում եւ անցկացում) նախատեսված հանցակազմի մեջ, հայտնում է «Նիժնիյ սեյչաս» պարբերականը:
Քննության վարկածով՝ 2018 թվականի ապրիլ-մայիսին երեք կասկածյալները Նիժնի Նովգորոդի 3 շրջաններում 7 հաստատություններում ազարտային խաղեր են ապօրինի կազմակերպել եւ անցկացրել: Նրանցից մեկը, որը Հայաստանի Հանրապետության քաղաքացի է, կալանավորվել է:
Առաջիկայում երեք կասկածյալներին մեղադրանք կառաջադրվի ՌԴ ՔՕ 171.2 հոդվածի 2-րդ մասով եւ խափանման միջոց կընտրվի:
Քրեական գործով քննությունը շարունակվում է:
Հիշեցնենք, որ Հայաստանի քաղաքացին ձերբակալվել է հունվարի 31-ին: