ՆԱՏՕ մասնակից երկրների ներկայացուցիչները ստորագրել են արձանագրություն Մակեդոնիայի ռազմական դաշինքի մեջ մտնելու մասին, տեղեկացնում է ՌԻԱ «Նովոստի»-ն։
Ինչպես նշվում է, պետությունն առայժմ ՆԱՏՕ աշխատանքին կմասնակցի որպես հրավիրված անդամ։
«Արձանագրության ստորագրումը բաց է անում վավերացման գործընթացը, եւ հույս ունեմ, որ այն արագ կանցնի, եւ մենք կկարողանանք ողջունել ՆԱՏՕ նոր՝ 30-րդ անդամին»,- նշել է ՆԱՏՕ գլխավոր քարտուղար Ենս Սթոլտենբերգը։
Փաստաթղթի վավերացումից հետո Մակեդոնիան կդառնա դաշինքի պաշտոնական անդամ։