Իրանը միայնակ կարող է սկսել Արաքի ծանր ջրով աշխատող ռեակտորի արդիականացումը, եթե իրանական միջուկային համաձայնագրի կողմերը, որոնք ստանձնել են այդ խնդիրը, ձգձգեն գործընթացը: Այս մասին ասել է Իրանի ատոմային էներգիայի կազմակերպության ղեկավար Ալի Աքբար Սալեհին, գրում է Tasnim-ը:
Եթե կողմերը, որոնք Արաքի ռեակտորը արդիականացնելու եւ վերափոխելու պարտավորություն են ստանձնում, ձգձգում են գործընթացը, Իրանը միայնակ կգործի, ասել է Սալեհին: Նա ընդգծել է, որ Իրանը ներկայումս կարող է միջուկային օբյեկտներ նախագծել՝ նշելով, որ Թեհրանը կարող է օգնել Իրաքին հետազոտական ռեակտորների կառուցման հարցում: