News
Լրահոս
News
Չորեքշաբթի
Փետրվար 28
Տեսնել լրահոսը

Անօդաչու տեխնիկայի, արհեստական ինտելեկտի եւ կիբեռգրոհների համակարգի զարգացումը փոխում է պատերազմ վարելու ավանդական մարտավարությունը։ Սակայն իրավունքի նորմերը չեն հասցնում այդ փոփոխությունների հետեւից հասնել։ Խնդիրը հետազոտել են Նոր ամերիկյան կենտրոնի (CNAS) վերլուծաբանները, ովքեր հարցը դիտարկել են Չինաստանի օրինակի վրա՝ հայտնում է HighTech-ը։

Պարզվել է, որ ՉԺՀ կառավարությունը ԱԻ ոլորտում մրցակցությունը կապում է ռազմական հակամարտության մեծ վտանգի հետ։

Պաշտոնյաներից մեկը վերլուծաբաններին պատմել է միջազգային իրավունքի մոխրագույն գոտու մասին։ Պետությունների մեծ մասը սովորել է գործել հաստատված սցենարով։ Այսպես, նավահանգիստների գնդակոծումը կամ շրջափակումը կարող են գնահատվել որպես ագրեսիայի դրսեւորումներ։

Փորձագետները նշում են, որ այս պայմաններում մեծ է միջազգային հակամարտության կտրուկ սրումը՝ պայմանավորված ռազմական կոմունիկացիաների սովորական կանոնների խախտմամբ։

Քանի որ ե՛ւ դրոնները, ե՛ւ կիբեռգրոհները կապված են հեռահար գործողությունների հետ եւ մարդկային կորուստների վտանգ չեն ներկայացնում, նրանց հետ հեշտ է գործ ունենալ։ Դա բերում է նրան, որ երկրները սկսում են թեթեւ վերաբերել ագրեսիայի որոշ տեսակների։ Չէ՞ որ առաջին հայացքից խաղադրույքները փոքր են։

CNAS-ի վերլուծաբանները կոչ են անում արհեստական ինտելեկտի դարաշրջանում նոր կանոններ ներդնել զինված հակամարտության մեջ։

Չինաստանում, օրինակ, արդեն օգտագործվում է ռազմական տեխնիկա, որը ինքնավարության առավելագույն մակարդակ ունի։ Երկիրը արտահանում է Blowfish A2 դրոնները, որոնք կարողանում են ինքնուրույն հետեւել թիրախին եւ գրոհ իրականացնել։

Զեկույցում նաեւ համեմատվում է արհեստական ինտելեկտի ոլորտում Չինաստանի եւ ԱՄՆ-ի ձեռքբերումները։ ԱԻ-ում երկու երկրներն էլ համարյա նույն դիրքն են զբաղեցնում, իսկ պրոցեսորների ոլորտում Չինաստանն առայժմ զիջում է Ամերիկային։ Սակայն CNAS-ը նշում է, որ երկիրն արագ լրացնում է բացթողումները։

Չինացի գործարար Ջեկ Ման նույնպես կարծում է, որ տեխնոլոգիական առաջընթացն ընդունակ է Երրորդ համաշխարհային պատերազմ հրահրել։ Սակայն փորձագետները դեռեւս չգիտեն, թե ինչպիսին այն կլինի՝ էլեկտրոնային, կենսաբանական կամ տիեզերական։ Շատ ակտիվիստներ ռոբոտ-մարդասպաններին արգելելու կողմնակից են, սակայն կան նաեւ նրանք, ովքեր նշում են, որ անօդաչու տեխնիկան կնվազեցնի կորուստները խաղաղ բնակչության շրջանում։

!
Այս նյութը հասանելի է նաև   Русский
Տպել
Կարդացեք նաև
Ամբողջը
30-օրյա ինտերնետ-փաթեթ բազմաթիվ ուղղությունների համար` «ՎՈՅԱԺ» ծառայության շրջանակներում
Նախքան ճամփորդելն անհրաժեշտ է ակտիվացնել ռոումինգ ծառայությունը...
Հութիները վնասել են Եվրոպան եւ Ասիան միմյանց կապող ստորջրյա ինտերնետ-մալուխները. Globes
Հութիները վնասել են ինտերնետ-մալուխները...
ԲՏԱ նախարարն ու Համաշխարհային բանկի ներկայացուցիչները քննարկել են նոր ծրագրեր նախաձեռնելու հեռանկարները
Նախարարը ողջունել է հյուրերին, կարևորել ԲՏԱ նախարարության և Համաշխարհային բանկի միջև ձևավորված գործընկերությունը, ներկայացրել...
Ֆլորիդայում կարգելվի սոցցանցերի օգտագործումը 16 տարեկանից ցածր մարդկանց համար
Եթե այս կարգավորումներն ընդունվեն, սոցիալական մեդիա ընկերությունները ստիպված կլինեն արգելափակել դեռահասների օգտահաշիվները․․․
Մասկը 2023թ. գաղտնի  այցելել է  Սպիտակ տուն՝ պաշտոնյաների հետ քննարկելու համար ԱԲ հարցերը. NBC
Իլոն Մասկը գաղտնի այցելել է Սպիտակ տուն...
Դուբայում կկայանա ftNFT ամենամյա միջազգային մրցանակաբաշխությունը
Մրցանակաբաշխությանն առաջադրված են մի քանի անվանակարգ, որոնց թվում են «Տարվա NFT նախագիծը»...
Ամենաշատ