Չինաստանի նախագահ Սի Ցզինպինը հայտարարել է, որ ԱՄՆ-ի հետ առեւտրային բանակցությունները հաջորդ շաբաթ Վաշինգտոնում կշարունակվեն:
Նա հույս է հայտնել, որ երկու կողմերն առաջիկա բանակցություններին կարող են փոխշահավետ համաձայնության հասնել, հաղորդում է Reuters-ը՝ վկայակոչելով չինական լրատվամիջոցներին:
ԱՄՆ-ի առեւտրային ներկայացուցիչ Ռոբերտ Լայթհաուզերի եւ ֆինանսների նախարար Սթիվեն Մնուչինի հետ հանդիպման ժամանակ Սի Ցզինպինը հայտարարել է Պեկինում կայացած բանակցությունների ընթացքում առաջընթացի մասին: Նա նշել է, որ Չինաստանը պատրաստ է համագործակցության միջոցով լուծել Միացյալ Նահանգների հետ տնտեսական եւ առեւտրային վեճերը: