Մեքսիկայում խողովակատարի վրա տեղի ունեցած պայթյունի հետեւանքով զոհերի թիվը ողբերգությունից մեկ ամիս հետո հասել է մինչեւ 131-ի, հայտնում է Universal պարբերականը:
Ավելի վաղ հաղորդվում էր 128 զոհի մասին: Երկուշաբթիի տվյալներով՝ պայթյունից հետո դեռեւս հիվանդանոցներում են 14 մարդիկ, որոնք ծանր վիճակում են, մարմնի 80 տոկոսի այրվածքներով:
Հզոր պայթյունն ու հրդեհը տեղի էին ունեցել հունվարի 18-ի երեկոյան Իդալգո նահանգի Տուսպան-Տուլա խոշոր խողովակատարի վրա, երբ հարյուրավոր մարդիկ բենզին էին գողանում: Մեքսիկայի պետական նավթային Pemex ընկերությունը պաշտոնապես հաստատել է, որ խողովակատարի պայթյունը ապօրինի ներփորվածքների հետեւանքն էր:
