Կիսանախագահական կառամարման համակարգին վերադառնալուն ես ամենեւին կողմնակից չեմ: Այս մասին, այսօր՝ փետրվարի 19-ին, ԱԺ-ում լրագրողների հետ զրույցում նշեց ԱԺ նախագահ Արարատ Միրզոյանը:
Հիշեցնենք, որ նման առաջարկով հանդես էր եկել Հայ ազգային կոնգրեսը:
«Ես կարծում եմ, որ պետք է առաջ գնալ, մենք ունենք հիմա խորհրդարանական համակարգ եւ պետք է ամեն ինչ անենք այդ համակարգի կայացման համար:
Սահմանադրական փոփոխություններ հնարավոր են` թեեւ կարծում եմ, որ ոչ այդպիսի մասշտաբային փոփոխություններ, որ երկիրը խորհրդարանականից վերադարձնենք կիսանախագահական: Մեր օրակարգում սահմանադրական փոփոխություն կա: Շրջանակն առայժմ հստակեցվում է: Մենք այս ընթացքում տեսանք, որ կան բացեր, իրավիճակներ, երբ որ Սահմանադրությունը չի կարգավորվում եւ հնարավոր են փակուղիներ առաջանալ: Այս ամենը պետք է ուսումնասիրենք»,- ասաց Միրզոյանը:
Հարցին` հնարավո՞ր է արդյոք լինի նաեւ ՀՀ նախագահի լիազորությունների վերանայում, Միրզոյանը պատասխանեց՝ գուցե. «Գուցե նաեւ Ընտրական օրենսգրքի հետ կապված: Այնուամենայնիվ, Ընտրական օրենսգրքի փոփոխությունները մեր օրակարգում է: Մենք ամիսներ առաջ ասում էինք, որ չենք կարող Ընտրական օրենսգրքում մասշտաբային փոփոխություններ անել, որովհետեւ մի մասը պայմանավորված է սահմանադրական կարգավորումներով: Անպայմաներոն դրան կանդրադառնանք:
ՀԱԿ-ը արմատական լուծումներ է առաջարկում մի շարք ուղղություններով. հայտարարություն