ԱՄՆ-ում մոր հետ բջջային հեռախոսի համար վիճելուց հետո 9-ամյա Հեւեն Վեգան կախվել է իր սենյակում։ USA.one-ը հայտնում է, որ դստեր անկենդան մարմինը Ջենիֆեր Վեգան հայտնաբերել է կեսօրին մոտ։ Աղջիկը վզի շուրջը փաթաթված գոտիով կախվել է իր մահճակալից։ Նրան տեղափոխել են St. Barnabas Hospital, սակայն բժիշկները միայն նրա մահն են արձանագրել։

Ոստիկանության աղբյուրների եւ հարեւանների խոսքերով, Հեւենը մոր հետ վիճել է բջջային հեռախոսի օգտագործման համար։ «Հիմա բոլոր երեխաները բջջային հեռախոս ունեն, եւ այն ամենը, ինչ նրանք անում են, YouTube են նայում,- ասել է Վեգաների հարեւանը,- Հավանաբար աղջիկն արթնացել եւ ուզել է վերցնել հեռախոսը, սակայն մայրն ասել է «ոչ», շատ վաղ է եղել»։