Aston Martin-ը հրապարակել է Project 003 նոր «կրտսեր» սուպերքարի առաջին թիզերը, որը ընկերությունում անվանում են «Վալկիրիի որդի»: Մոդելը Valkyrie հիպերքարից մեկ աստիճան ցածր է եւ մրցակցելու է Ferrari 488 GTB-ի եւ McLaren 720S-ի հետ, փոխանցում է Autonews-ը:
Նախնական տեղեկություններով՝ նորույթը կունենա կոմպոզիտային նյութերից գերթեթեւ կռուցվածք եւ բենզաէլեկտրական հիբրիդային ուժային սարք՝ V6 շարժիչի հիմքի վրա: Ագրեգատների ընդհանուր փոխանցումը կկազմի 800 ձիաուժից ոչ պակաս:
Այս ամենից զատ, սուպերքարը կունենա ադապտիվ կախոց եւ ակտիվ աերոդինամիկական տարրեր: Ենթադրվում է, որ ավտոմեքենան տեղից մինչեւ առաջին «հարյուրյակը» կզարգացնի մոտ 3 վայրկյանում:
Ավելի վաղ հաղորդվում էր, որ Aston Martin Project 3-ի սերիական տարբերակը կարող է ունենալ Valhalla անվանումը: Վաճառքի համար ավտոմեքենան, որը կհայտնվի 2021 թվականից ոչ շուտ, կթողարկվի սահմանափակ քանակով՝ 500 օրինակ:
