Ալյասկայի իրավապահ մարմինները օգտագործել են հարազատների ԴՆԹ-ն, որպեսզի բացահայտեն մոտ 26 տարի առաջ քոլեջի հանրակացարանում կատարված սպանության կասկածյալին։

USA.one-ը հայտնում է, որ 1993թ․ ապրիլի 26-ին Սոֆի Սերջին բռնաբարվել եւ սպանվել էր Universitу of Alaska Fairbanks-ի հանրակացարանի բաղնիքում։ Նրան մի քանի անգամ հարվածել էին դանակով եւ կրակել էին գլխին։ Դեպքի վայրում հայտնաբերվել էր կասկածյալի ԴՆԹ-ն, որը բեռնվել էր CODIS-ում (ԴՆԹ ինդեքսների միացյալ համակարգ, իրավապահ մարմինների տվյալների բազա), սակայն համապատասխանություններ չէին գտնվել։

2018թ․ ապրիլին գործը նոր ընթացք էր ստացել։

Մեղադրական փաստաթղթի համաձայն, հանցանքի վայրում գտնված ԴՆԹ-ն պատկանում էր Սթիվեն Դաունսին, ով բուժեղբայր էր աշխատում։ Տղամարդուն կալանավորել էին։ Դաունսը նախկինում չէր ձերբակալվել, եւ նրա ԴՆԹ-ն երբեւէ չէր ներբեռնվել տվյալների ազգային բազայում, այդ պատճառով նրան հայտնաբերել էին հարազատների ԴՆԹ-ի միջոցով։ 1993թ․ Դաունսը, ով այժմ 44 տարեկան է, Universitу of Alaska Fairbank-ի 18-ամյա ուսանող էր եւ ապրում էր նույն հանրակացարանում, որտեղ հայտնաբերվել էր Սերջիի դին։