News
Լրահոս
News
Երեքշաբթի
Մարտ 19
Տեսնել լրահոսը

ՀՀ քննչական կոմիտեի Արմավիրի մարզային քննչական վարչությունում ավարտվել է գողության, խոշոր չափերով յուրացում կատարելու դեպքերի առթիվ հարուցված քրեական գործի նախաքննությունը: Մեղադրանք է առաջադրվել 32-ամյա տղամարդուն:

ՀՀ Քննչական կոմիտեից NEWS.am-ին հայտնում են, որ մինչդատական վարույթում ձեռք բերված տվյալների համաձայն՝ 1986թ. ծնված տղամարդը, ով վարձակալական հիմունքներով բնակվել է Արմավիրի մարզի Փարաքար գյուղում, 2018թ. հուլիսի 7-ին՝ ժամը 14:00-ի սահմաններում, ուրիշի գույքի գաղտնի հափշտակություն կատարելու դիտավորությամբ, իր սենյակի հարեւանությամբ բնակվող մեկ այլ վարձակալի սենյակից գաղտնի հափշտակել է զգալի չափի՝ 104 000 ՀՀ դրամ գումար:

Բացի այդ, 32-ամյա տղամարդը, 2018թ. հոկտեմբերին ծանոթանալով Արմավիրի մարզի մի բնակչուհու հետ, այցելել է վերջինիս տուն եւ մի քանի օր բնակվել նրա տանը: Այդ ընթացքում տղամարդը, ուրիշի գույքը գաղտնի հափշտակելու դիտավորությամբ, 2018թ. հոկտեմբերի 29-ին՝ ժամը 15:00-ից մինչեւ 16:00-ն ընկած ժամանակահատվածում, օգտվելով տանը միայնակ լինելու հանգամանքից, գաղտնի հափշտակել է տանտիրուհու հարեւանուհուն պատկանող «Սամսունգ Սմարթ» մոդելի զգալի չափերի՝ 135 000 ՀՀ դրամ արժողությամբ հեռուստացույցը, որը նույն օրը վաճառել է, իսկ ստացված գումարը՝ յուրացրել:

Քրեական գործով ձեռնարկված մեծածավալ քննչական գործողությունների արդյունքում բացահայտվել են հանցավոր այլ դրսեւորումներ եւս:

Մասնավորապես՝ փաստական տվյալներ են ձեռք բերվել առ այն, որ 2018թ. օգոստոսին օրավարձով աշխատանքի անցնելով Արմավիրի մարզի Գայ գյուղի բնակիչներից մեկի հողամասում եւ միաժամանակ բնակվելով նույն հողամասում գտնվող տնակում՝ 32-ամյա տղամարդը յուրացման եղանակով հափշտակել է իր պահպանությանը հանձնված եւ վստահված, տարածքում գտնվող եւ հիշյալ հողամասի սեփականատիրոջը պատկանող խոշոր չափի` ընդհանուր 691 000 ՀՀ դրամ արժողությամբ, տարբեր տեսակի իրեր:

Մեկ այլ դեպքով էլ տղամարդը, 2018թ. օգոստոսի 1-ին Երեւան քաղաքի Սեւանի փողոցի շենքերից մեկի բակում հանդիպելով Երեւան քաղաքի մի բնակչի հետ, բանավոր պայմանավորվածություն է ձեռք բերել վերջինիս «Օպել աստրա Ջի» մակնիշի ավտոմեքենան 10 օր շահագործելու վերաբերյալ՝ այդ կերպ յուրացման եղանակով հափշտակելով իրեն վստահված հիշյալ ավտոմեքենան:

Ձեռք բերված ապացուցների համակցությամբ՝ 32-ամյա տղամարդուն մեղադրանք է առաջադրվել` ՀՀ քրեական օրենսգրքի 177-րդ հոդվածի 3-րդ մասի 1.1 կետով (գողություն, որը կատարվել է բնակարան ապօրինի մուտք գործելով), 177-րդ հոդվածի 1-ին մասով (ուրիշի գույքի զգալի չափերով գաղտնի հափշտակություն), 179-րդ հոդվածի 2-րդ մասի 3-րդ կետով` 2 դրվագ (խոշոր չափերով յուրացում):

Քրեական գործը՝ մեղադրական եզրակացությամբ, ուղարկվել է նախաքննության օրինականության նկատմամբ հսկողություն իրականացնող դատախազին: Մեղադրական եզրակացությունը հաստատվել է, եւ գործն ուղարկվել է դատարան:

Տպել
Կարդացեք նաև
Ամբողջը
Մոտ 300 գ․ «Մեթամֆետամինի» ապօրինի շրջանառություն՝  «Տելեգրամ»-ի միջոցով․ երիտասարդ կինն ու տղամարդը կալանավորվել են
ՀՀ քննչական կոմիտեի ԵՔՔՎ Երևան քաղաքի Կենտրոն և Նորք-Մարաշ վարչական...
Սյունիքում հիվանդանոց տեղափոխվելիս շտապօգնության ավտոմեքենայում մահացել է Կապանի թիվ 3 միջնակարգ դպրոցի զինղեկը
Մարտի 15-ին ողբերգական դեպք է տեղի ունեցել Սյունիքի մարզում։ Ժամը 21։40-ի...
Պերուի դատախազությունը ժամացույցների հավաքածուի պատճառով նախագահին կասկածել է կոռուպցիայի մեջ
Պերուի գլխավոր դատախազությունը նախնական հետաքննություն է սկսել...
Հայտնի է Սյունիքում 4 մարդու կյանք խլած ավտովթար-հրդեհի զոհերի ինքնությունը. Վարորդը ոստիկանության աշխատակից էր
«ՎԱԶ 2106»-ի վարորդը աշխատում է ՀՀ Ներքին գործերի նախարարության  ոստիկանության Ջերմուկի բաժնում հերթապահ մասի...
Գեղարոտ-Ծիլքար ճանապարհին մեքենան դուրս է եկել երթևեկելի հատվածից և արգելափակվել ձյան շերտում
Մարտի 19-ին` ժամը 07:21-ին, Արագածոտնի մարզային փրկարարական վարչության...
Ավտովթար՝ Սիսիան-Գորիս ճանապարհին. Բախումից հետո «ՎԱԶ»-ում հրդեհ է բռնկվել. կա 4 զոհ. վիրավորի վիճակը ծանր է
Մարտի 19-ին, ժամը 05:40-ին Սյունիքի մարզային փրկարարական վարչության ճգնաժամային կառավարման կենտրոն...
Ամենաշատ