Պատմության մեջ առաջին անգամ բաց տիեզերք դուրս կգա միանգամից երկու կին։ Դա տեղի կունենա մարտի վերջին, Միջազգային տիեզերակայանից։ Կմասնակցեն երկու ամերիկուհիներ՝ Էն Մակքլեյնը եւ Քրիստինա Քուկը, տեղեկացնում է ՌԻԱ «Նովոտսի»-ն՝ հղում կատարելով NASA-ին։
Քուկը, որը Միջազգային տիեզերակայան կթռչի մարտի կեսին, Տիեզերագնացների պատրաստման կենտրոնում կայացած մամուլի ասուլիսում տեղեկացրել է, որ թռիչքի ժամանակ դուրս կգա բաց տիեզերք Մակքլեյնի հետ միասին, որը գտնվում է տիեզերակայանում։ Բաց տիեզերք դուրս գալու ժամկետը չի նշվել։
NASA-ի կայքում տեղեկացվում է, որ մարտի 29-ին Մակքլեյնը եւ Քուկը դուրս կգան բաց տիեզերք։
Կանանցից առաջինը 1984 թվականին բաց տիեզերք է դուրս եկել խորհրդային տիեզերագնաց Սվետլանա Սավիցկայան։