ՄԱԿ գլխավոր քարտուղար Անտոնիո Գուտերիշը Ռուսաստանին եւ ԱՄՆ-ին կոչ է արել պահպանել Միջին եւ փոքր հեռահարության հրթիռների մասին պայմանագիրը եւ պայմանավորվել ռազմավարական հարձակողական սպառազինությունների հետագա կրճատման միջոցառումների պայմանագրի ժամկետի երկարաձգման մասին։ Այս մասին նա հայտարարել է՝ ելույթ ունենալով Ժնեւում կայացած Ապառազմականացման համաժողովի նիստում՝ հայտնում է ՏԱՍՍ-ը։
Գուտերիշը նաեւ դիմել է ԱՄՆ-ին եւ Ռուսաստանին՝ կոչ անելով երկարաձգել Հարձակողական սպառազինությունների կրճատման պայմանագրի ժամկետը։ «Ես Միացյալ Նահանգներին եւ Ռուսաստանին կոչ եմ անում երկարաձգել, այսպես կոչված, «Նոր start» պայմանագիրը, մինչ 2021թ․ կլրանա դրա ժամկետը»,- ասել է ՄԱԿ ղեկավարը։
Նա հիշեցրել է, որ ՀՍԿ պայմանագիրը «միակ միջազգային իրավաբանական գործիքն է, որը սահմանափակում է երկու խոշորագույն միջուկային զինանոցների չափերը», եւ որ այդ համաձայնագրով նախատեսված ստուգումները վստահության ամրապնդման կարեւոր միջոցառումներ են, որոնք օգտակար են ողջ աշխարհի համար։