Ֆինլանդիայում հայտարարել են մրցույթ զբոսաշրջիկների համար, որոնք երազում են ապրել տեղաբնակների նման բնության գրկում, հաղորդում է ՌԻԱ Նովոստի-ն՝ հղում կատարելով The Sun-ին:
Նախագծում կմասնակցեն 8 ֆիններ, որոնք կընդունեն իրենց տանը զբոսաշրջիկներին, որոնք կարող են այցելել միայնակ, զույգերով կամ ընտանիքներով:
Ըստ կազմակերպիչների մտահղացման՝ ճանապարհորդները կապրեն տեղաբնակների հետ 2-3 շաբաթների ընթացքում. Նրանք կզբաղվեն ձկնորսությամբ, կհավաքեն հատապտուղներ եւ կայցելեն ֆիննական շոգեբաղնիք:
Հայտերը կընդունվեն կայքում մարտի 18-ից ապրիլի 14-ն ընկած ժամանակահատվածում: Հաղթողները կընտրվեն մի քանի փուլով (ապրիլին եւ մայիսին), իսկ բուն ուղեւորությունը տեղի կունենա հունիսից օգոստոս ամիսներին:
