«Բոնդ 25» աշխատանքային անվանումով ֆիլմում Ջեյմս Բոնդի նոր ավտոմեքենան կլինի Aston Martin Rapide E էլեկտրակարը։ Ինչպես հայտնում է The Sun-ը, որոշումն ընդունել է ֆիլմի ռեժիսոր Քերի Ֆուկունագին, ով շրջակա միջավայրի պաշտպան է։
Ներկայում ռեժիսորն արդեն բանակցություններ է վարում Aston Martin-ի հետ։ Ֆիլմի նկարահանումները կսկսվեն 2019թ․ ապրիլի 6-ին, գլխավոր դերում հանդես կգա 51-ամյա Դենիել Քրեյգը։
Aston Martin Rapide E-ն գործի է դրվում երկու էլեկտրաշարժիչների միջոցով։ Էկոլոգիապես մաքուր սեդանի ընդհանուր հզորությունը ավելի քան 600 ձիաուժ է։ Ավտոմեքենայի մարտկոցների ստեղծման ուղղությամբ աշխատում են LG-ն եւ Samsung-ը։
